De Piep, de hung em tüschen Tehnen,
Und dampen däh he, man schull meenen,
Dat Für anböt wurd to kaaken,
Or lüttken Mann, de wär an’t Backen.

He kunrr: da schall man bi bestahn,
Nüms kummt up miene Kegelbahn,
Et is, weet Gott, ne wohre Schann,
Van use Burn in Steegerland.

Ward nich mal Buddel Wien mehr köfft,
Nee, heet alltied, us geiht to slecht.
As he so wär an’t Räsoneeren
Käm just twee Buren anspazeeren.

De een Clas Wenken de he heeten,
Harr düchtig Moses und Propheten
Und in den Fern all seech de Mann
Man glieks den rieken Buer an.

Der annre harr son slau Gesicht,
Man seech, to troen wär em nich,
Wär Hinnerk Büsing ok sinen Nam,
Wär’t doch dör siene Slauheit kam,
Dat öwerall in’t Steegerland,
He wär as „Hinnerk Slau“ bekannt.

„Nah“, reep us Gerd de beiden an.
 „Wohen schall denn de Reise gahn?“

„Och“, sä nun Hinnerk, „wi wulln beid,
Denn wie hewt wedd, as dat so geiht,
Nah Elsfleth runner nu spazeern
Um erst den Punsch dor to verzehrn“.

„Wat“, sah nun Gerd, „nu ward doch slimm,
Kamt leewer doch bi mi herin,
Ich kann den Punsch doch ok all maken“

„Dat“, meen nun Hinnerk, „sünd söcks Saken,
Süh use Wedd is noch nich ut,
Wi dinkt den Punsch blot in vörut,
Wer van us beid nahst blechen mutt,
Dat wett alleen de leewe Gott,
Man büst du dormit inverstahn,
Denn brukt wi ja nich wieder gahn“

„Jah“, sä nu Gerd, „worum denn nich,
Wenn ick nacher mien Geld man krieg.
Kamt erst herin und sett jo man ,
Ick mak den Punsch, so gau ick kann“.

Na, bolt broch in sein grösten Terrien
Gerd Kroeger denn den Punsch herin,
Und Hinnerk s, ahn lang to pröwen,
„De gode Gewer, de schall lewen!“

Nu drunken se denn wieder fliedig
Und prosten to sick gegensiedig,
Und um de Tied wat do to slahn
Fungs beeten Seß und Seßtig an.

So bi dat Räkeln hen und her
Wurd sinnig ok de Punschbohl leer.
Upletzt sä Hinnerk, „ward bolt Tied,
Clas Wenken, geihst du ok all mit?“

„Ja“ sä nu Clas, „ja, dat is god“.
Und greep na sienen Stock und Hoot.
Man as all stunnen in den Dör,
käm Gerd dat doch wat snurrig vör.

„Lang“, frog he, „bruck ick woll nich luern,
Or schull dat noch war läner duern,
Bit een van jo verloren hett,
Worum güng eegentlik de Wedd?“

„Dat“, men nun Hinnerk „is di licht vertellt,
Süh, dat weet ja die ganze Welt,
Dat use ohle Karkturm steiht
So’n beeten scheew und alltied schweer geiht,
Bit eenen schönen Dags eenmal
De ohle Bursch fallt öwr Kopp hendahl.
Nu meent Clas Menken, he gung rechts heröwer
Und ik sä, nee. He geiht na links koppöwer.
Op he nu rechts or links hen fallt,
Das seeker, een van us betahlt,
Is’t mit den Torn mal erst sowiet,
Dann lat us’t weeten man bi Tied.
Man nu Adjüs und lat di god
Dat Punschen man bekammen,
Wenn wi noch mal is wedden doht,
Drinkt wedder wi tosamen."